Выдавецтва і кнігарня «Галіяфы» працягвае святочныя зніжкі да 14 студзеня, да «Старога Новага года».
А таксама прапануе яшчэ раз звярнуць увагу на некалькі даўніх, але тым не меней вартых увагі выданняў, якія пакуль яшчэ можна набыць з істотнымі зніжкамі.
У пераднавагодні час кнігарня «Галіяфы» прапануе звярнуць увагу на некалькі даўніх, але тым не меней вартых увагі і дарагіх нам выданняў, якія можна набыць з істотнымі зніжкамі да канца снежня гэтага году.
Альманах «Тэксты» №2
Альманах «Тэксты» быў заснаваны ў 2004-м як літаратурна-мастацкі праект.
«Тэксты» — гэта добрая якасная сучасная літаратура.
У кожным нумары акрамя айчыннай прозы і паэзіі прадстаўленыя і перакладныя творы, друкуюцца тэарэтычныя матэрыялы і крытычныя артукулы.
У розны час у альманаху друкаваліся В. Акудовіч, Ю. Станкевіч, А. Глобус, Л. Вольскі, А. Бахарэвіч, І. Сін, І. Сідарук і інш.
Кожны нумар альманаха прасякнуты пэўнай тэмай. У другім нумары тэму — ГРОШЫ — задае Альгерд Бахарэвіч тэкстам «Купі слана».
Падрабязней тут.
Славамір Копер. Жанчыны Другой Рэчы Паспалітай
Славамір Копер — польскі пісьменнік, аўтар гістарычных кніг, публіцыст, тэле- і радыёэксперт у галіне гісторыі.
«Жанчыны Другой Рэчы Паспалітай» — беларускі праклад кнігі, у якой Копер апісвае гісторыі яркіх жанчын, з якімі звязаны пачатак польскай феміністычнай думкі і рух жанчын у барацьбе за свае правы.
Аўтар апісвае прыватнае жыццё вядомых асоб: «Гісторыкі пішуць так, каб чытачам не было вельмі цікава, яны ўстаўляюць даты. А я лічу, што даты няважныя, больш прыдаюцца гісторыі, анекдоты і цікавыя факты, якія потым і адлюстроўваюць гэтую гісторыю».
Падрабязней тут.
Льюіс Кэрал. Скрозь люстэрка, і што ўбачыла там Аліса
Першае беларускае выданне казкі Льюіса Кэрала «Скрозь люстэрка, і што ўбачыла там Аліса».
Перакладчыца, Вера Бурлак, — аўтарка некалькіх уласных кніг паэзіі і прозы. Перакладае з ангельскай, украінскай, рускай моў.
Падрабязней тут.
Альгерд Бахарэвіч. Ніякай літасці Альгерду Б.
Прэмія «Залатая літара» — 2014
Улетку 2013 году, вярнуўшыся з Гамбургу ў Менск, аўтар гэтай кнігі пачаў весці штотыднёвую калёнку на сайце кампаніі «Будзьма беларусамі!» budzma.by. У выніку амаль за год ім было напісана блізу сарака эсэ, прысвечаных самым розным праявам беларускага жыцця. Культура і гісторыя, літаратура і кіно, мроі і спадзяванні, асабістае і грамадскае, вечнае і надзённае, Беларусь як частка Еўропы і Еўропа як беларускі сон — вось толькі некаторыя з тэмаў, якія зрабіліся вызначальнымі для гэтай кнігі. Кнігі пра сваё, напісанай тут і цяпер.
Кніга чарговы раз пацвярджае выключнае майстэрства Бахарэвіча-публіцыста.
Падрабязней тут.
Андрэй Федарэнка. Сечка
Што значыць быць літрэдактарам сучаснага беларускага часопіса?
Смех і боль пра мову і літаратуру ў зборніку мініацюрных эсэ Андрэя Федарэнкі.
Падрабязней тут.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары