Бандарэнка атрымае кампенсацыю за тое, што ў 2016 годзе на яго завялі крымінальную справу.
Справа была заведзеная, калі Бандарэнка адбываў тэрмін у калоніі. У 2014 годзе ён быў асуджаны за хуліганства, у справе было тры эпізоды: бойка каля кавярні, сварка з суседкай і ўдар, які Бандарэнка нанёс маці суседкі. Сам мужчына называў справу сфабрыкаванай.
У выніку Бандарэнку прысудзілі 3 гады калоніі. Падчас адбывання пакарання на яго завялі новую справу — за непадпарадкаванне патрабаванням адміністрацыі калоніі. Праўда, пазней Бандарэнку прызналі невінаватым. Тады ён звярнуўся ў суд, каб атрымаць кампенсацыю, бо «пацярпеў ад дзеянняў следчых».
Спачатку суд у Магілёве адмаўляў Бандарэнку ў праве на кампенсацыю шкоды, рашэнне падтрымаў і Вярхоўны суд.
Але ў жніўні 2018 года намеснік старшыні Вярхоўнага суда ўказаў, што кампенсацыя маёмаснай шкоды па такіх справах адбываецца ў парадку грамадзянскай судовай вытворчасці (адказнасць за прычыненую грамадзяніну шкоду ў выніку незаконнага прыцягнення ў якасці абвінавачанага прадугледжана ч.1 арт. 939 Грамадзянскага Кодэкса Рэспублікі Беларусь).
Такім чынам, 8 студзеня суд Маскоўскага раёна Мінска вырашыў задаволіць патрабаванні Бандарэнкі. Рашэнне ўжо ўступіла ў сілу, неўзабаве кампенсацыя памерам 7500 рублёў будзе выплачаная.
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца11
Каментары