У Лагойскім раёне напалі на пенсіянерку і забралі ў яе 80 рублёў, паведамляе Следчы камітэт.
Увечары 18 лютага ў адной з вёсак Лагойскага раёна ў дом 84-гадовай жанчыны зайшоў невядомы, які прадставіўся газаўшчыком.
Мужчына пагражаў гаспадыні нажом і патрабаваў грошы. Ён збіў яе і звязаў вяроўкай. Пасля гэтага забраў 80 рублёў.
Праз некалькі гадзін жанчына змагла вызваліцца і патэлефанаваць сваякам, якія паведамілі ў міліцыю. З цялеснымі пашкоджаннямі пацярпелую шпіталізавалі.
Супрацоўнікі міліцыі шукаюць зламысніка. Распачалі крымінальную справу.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары