Увесну 2008 г. яна засудзіла на паўтара году турмы Андрэя Кімаі на два гады калоніі Андрэя Клімава. Лукашэнка падазрае яе ў карупцыі.
Алена Ільіна вызвалена ад пасады намесніка старшыні і суддзі суда Цэнтральнага раёна Мінска.
Адмысловы ўказ прэзідэнта № 2 ад 5 студзеня 2009 года ўключаны ў Нацыянальны рэестр прававых актаў Беларусі.
Нагадаем, Аляксандр Лукашэнка загадаў звольніць суддзяў Валерыя Есьмана, Алену Ільіну і Тацяну Паўлючук, якія падазраюцца ў карупцыі. Кіраўнік Беларусі згадаў гэтыя імёны ў звязку з «кватэрнымі махінацыямі».
А менавіта — з гісторыяй пра тое, як пракурор Мінскай вобласці Міхаіл Снягір набываў сабе кватэру. Кватэра, казаў на нарадзе 13 лістапада Лукашэнка, была набытая з парушэннямі. І калі асоба, якая жыла ў ёй, звярнулася ў суд Цэнтральнага раёну, то суддзя Ільіна «ўзгадняла праз тэлефон са Снегіром паслядоўнасць сваіх дзеянняў». А суддзі Есьман і Паўлючук «прынялі рашэнне накласці спагнанне на наймальніка кватэры за нібыта самавольную перапланіроўку гэтай кватэры».
Аляксандр Лукашэнка загадаў старшыні Вярхоўнага суду Валянціну Сукалу вызваліць ад займаных пасадаў суддзяў Ільіну, Есьмана і Паўлючук.
Усе трое суддзяў таксама вядомыя сваім удзелам у працэсах супраць актывістаў апазыцыі.
Каментары