Позна ўвечары 25 лютага, праязджаючы міма аўтобуснага прыпынку «Чыгуначны вакзал Палескі» ў Баранавічах, супрацоўнікі дэпартамента аховы МУС заўважылі двух спячых мужчын. Міліцыянты вырашылі праверыць іх стан. Пакуль яны разварочваліся, да прыпынку падышла дзяўчына і схілілася над адным са спячых, а потым стала хутка сыходзіць ад прыпынку. Супрацоўнікі дэпартамента аховы дагналі яе.
— Калі ў дзяўчыны спыталі, што яна ўзяла ў мужчыны, тая дастала з кішэні мабільны тэлефон Samsung. Яго кошт — 300 рублёў, — растлумачылі Intex-press у Дэпартаменце аховы МУС.
25 сакавіка ў дачыненні да 24-гадовай беспрацоўнай дзяўчыны распачалі крымінальную справу па ч. 1 арт. 205 КК РБ. Ёй можа пагражаць да трох гадоў пазбаўлення волі.
0
0
0
0
0
0
