Апостальскі візітатар для грэка-католікаў Беларусі архімандрыт Сяргей (Гаек) блаславіў вернікаў, якія праз строгі пост 5 красавіка і малітвы ў найбліжэйшыя дні «бачаць абавязак перапрасіць Бога за гэты блюзнерчы акт зносу крыжоў у Курапатах».
Такую заяву апублікавала прэс-служба апостальскага візітатара.
«Крыж для хрысціянаў з’яўляецца святым сімвалам пакуты і збаўчай смерці Госпада нашага Ісуса Хрыста. Для усіх людзей абсягу хрысціянскай цывілізацыі крыж з’яўляецца сімвалам памяці памерлых, асабліва тых, якія памерлі ад несправядлівага насілля.
Курапаты гэта месца памяці пацярпелых людзей усіх нацыянальнасцей і рэлігій, месца болю для многіх беларускіх грамадзянаў, продкі якіх пацярпелі ад жахлівых і несправядлівых сталінскіх рэпрэсій ў першай палове ХХ стагоддзя. Важнасць гэтага памятнага месца адзначана беларускай дзяржавай, якая уключыла гэта месца ў спіс гісторыка-культурных каштоўнасцей пад катэгорыяй 1, якая надае помніку міжнароднае значэнне.
У сувязі са зносам крыжоў усталяваных грамадскасцю ва ўрочышчы Курапаты мы поўнасцю салідарны з Заявай Старшыні канферэнцыі Каталіцкіх біскупаў Беларусі Мітрапаліта Тадэвуша Кандрусевіча, які між іншымі напісаў: «Заклікаю адказных за знос крыжоў тэрмінова спыніць гэтыя дзеянні і шляхам дыялогу розных палітычных і грамадскіх сіл з удзелам прадстаўнікоў розных веравызнанняў распачаць працэс урэгулявання сітуацыі».
Арцыбіскуп Тадэвуш Кандрусевіч заклікаў тэрмінова прыпыніць знос крыжоў у Курапатах
Прэс-сакратар Праваслаўнай царквы пра знос крыжоў у Курапатах: Д'яблы вельмі баяцца знаку Крыжа Гасподняга
Наталля Эйсмант пракаментавала знос крыжоў у Курапатах: Чытайце прэзідэнта
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча12
Каментары