У офіс тэлеканала «Белсат» у Мінску на вуліцы Кастрычніцкай прыйшлі міліцыянты рабіць ператрус, паведамляе БАЖ.
Як распавёў Tut.by супрацоўнік «Белсата» у Беларусі Аляксей Мінчонак, ператрус праходзіць у рамках расследавання справы па артыкуле 188 Крымінальнага кодэксу - паклёп.
— Я мала ведаю, але ведаю, што справа тычыцца адной з нашых навінаў пра «справу медыкаў».
Па стане на 11.00 у двары каля офіса «Белсата» сабраліся некалькі журналістаў тэлеканала і іншых СМІ. У пад'ездзе проста за дзвярыма стаіць сяржант міліцыі, які сказаў, што ў яго загад не прапускаць нікога, акрамя жыхароў, бо ў будынку вядуцца следчыя дзеянні.
Па словах журналіста «Белсата» Алеся Залеўскага, ператрус амаль напэўна звязаны з крымінальнай справай аб паклёпе, якую зараз расследуе Следчы камітэт.
Улетку Залеўскі падрыхтаваў відэасюжэт аб карупцыі ў Міністэрстве аховы здароўя, дзе паведамлялася аб затрыманні кіраўніка дзяржпрадпрыемства «Медтэхнацэнтр» Алега Шведа.
Але тэкставая версія на сайце тэлеканалу не адпавядала відэа. У тэксце паведамлялася, што затрыманы не толькі Алег Швед, але і яго брат Андрэй, кіраўнік Дзяржкамітэта судовых экспертыз.
— Мы адразу, як заўважылі, далі абвяржэнне, выправілі памылку. Але Андрэй Швед напісаў заяву на імя Шуневіча — прыцягнуць мяне да адказнасці па двух крымінальных артыкулах — паклёп і дыскрэдытацыя дзяржаўных органаў.
Па словах Залеўскага, яго затым пачала ўзмоцнена правяраць падатковая. У лістападзе Следчы камітэт, па словах журналіста, пастанавіў, што няма падстаў пачынаць крымінальную справу. Аднак у студзені гэтага года мінская пракуратура сама завяла крымінальную справу па факце паклёпу, дадаў Залеўскі.
— Яны вярнулі справу назад у СК. І зараз ідуць усе працэсуальныя дзеянні наноў. Толькі нас ужо дапытваюць як сведак, а не проста бяруць тлумачэнні. Ужо былі допыты на камеру.
Па словах журналіста, следчыя зараз шукаюць чалавека, які выставіў на сайт тэкст пад відэасюжэтам.
— Яны рыхтуюць адпаведныя запыты ў Варшаву. Таму справа можа працягнуцца некалькі месяцаў.
Сведкамі праходзяць сам Залеўскі, аператар Аляксандр Любянчук, прадстаўнікі тэлеканала Аляксей Мінчонак і Ірына Слаўнікава.
Чаму трасуць «Белсат»? Тэлеканал напісаў пра затрыманне генерала Шведа, а гэта аказалася няпраўдай
Як выглядае офіс Белсата пасля ператрусу
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары