Інтэграцыя Расіі і Беларусі — аб'ектыўны працэс, які не з'яўляецца прадуктам выключна «суб'ектыўнай палітычнай волі» асобна ўзятых людзей, заявіў кіраўнік камітэта Савета Федэрацыі Расіі па міжнародных справах Канстанцін Касачоў на сустрэчы з удзельнікамі расійска-беларускага конкурсу «Саюзная ліга дэбатаў» у верхняй палаце расійскага парламента, адказваючы на пытанне пра перспектывы двухбаковых адносін у выпадку змены ўлады ў Беларусі, паведамляе ТАСС.
«Па маім глыбокім перакананні, нашы адносіны — не фактар нейкай суб'ектыўнай палітычнай волі асобна ўзятых людзей, не. Любы прэзідэнт, які ўзначальвае адпаведна Расію і Беларусь, па маім глыбокім перакананні, калі ён правільна разумее настрой людзей, будзе працаваць на расійска-беларускую інтэграцыю, таму для мяне гэтыя працэсы ніяк не звязаныя з канкрэтнымі асобамі», — сказаў Касачоў.
Сенатар упэўнены, што любы чалавек, які «рана ці позна» прыйдзе на змену прэзідэнтам Расіі і Беларусі, сур'ёзна падарве сваю палітычную рэпутацыю, калі паспрабуе «памяняць вектар нашай інтэграцыі, характар нашых адносін».
Цяпер чытаюць
Як купіць кватэру ў Мінску, калі няма каму дапамагчы? Задаецца пытаннем беларус, які адкладае па $1000 у месяц і ўсё адно ў адчаі17
Каментары