Двайное забойства ў школе ў Стоўбцах: высветліліся новыя падрабязнасці
Галоўным следчым упраўленнем Следчага камітэта завершана расследаванне крымінальнай справы аб трагедыі ў сярэдняй школе №2 горада Стоўбцы, паведамляе прэс-служба СК.
Нагадаем, што 11 лютага дзесяцікласнік ударыў нажом настаўніцу гісторыі і грамадазнаўства і вучня 11-га класа, якія памерлі на месцы здарэння.
У ходзе расследавання адноўленая храналогія здарэння, адзначае СК.
Па дадзеных следства, абвінавачваны, кіруючыся хуліганскімі матывамі, перад забойствам нанёс удар малатком аднакласніку, параніўшы яго.
Затым нанёс настаўніцы нажом не менш за два ўдары. Выбег з кабінета і прычыніў нажавыя раненні двум аднакласнікам, якія спрабавалі яго затрымаць. Затым ён зайшоў у іншы кабінет і нанёс удары нажом вучню 11-класа.
Затым выйшаў у калідор, дзе пагражаў нажом намесніку дырэктара і настаўніку біялогіі, спусціўся ў вестыбюль, дзе пагражаў нажом аднакласніцы і падрапаў ім ёй шыю. Потым збег з месца здарэння.
Згодна з заключэннем комплекснай стацыянарнай псіхолага-псіхіятрычнай экспертызы, праведзенай ДКСЭ, падлетак мог у поўнай меры ўсведамляць значэнне сваіх дзеянняў і кіраваць імі.
Следчымі прад'яўлена абвінавачанне ў здзяйсненні наступных злачынстваў:
— забойства дзвюх асоб з асаблівай жорсткасцю з хуліганскіх меркаванняў (ч. 2 арт. 139);
— замах на забойства дзвюх асоб з асаблівай жорсткасцю з хуліганскіх меркаванняў (ч. 1 арт. 14 ч. 2 арт. 139);
— асабліва злоснае хуліганства (ч. 3 арт. 339).
Сваю віну падлетак прызнаў часткова. Раней ужытая да яго мера стрымання ў выглядзе зняволення не змянялася.
Крымінальная справа перададзена пракурору для накіравання ў суд.
«Цэліў у горла»: сталі вядомыя падрабязнасці здарэння ў Стоўбцах, дзе школьнік зарэзаў настаўніцу і вучня
Чаму ён? Бацька хлопца, якога забілі ў Стоўбцах, падрабязна расказаў пра сына і дзень яго смерці
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары