Кіраўнік патрыяршай камісіі РПЦ: Жанчыны дурнейшыя за мужчын
Кіраўнік патрыяршай камісіі РПЦ па пытаннях сям'і, абароны мацярынства і дзяцінства протаіерэй Дзімітрый Смірноў у эфіры радыё «Радонеж» заявіў, што, на яго думку, мужчыны разумнейшыя за жанчын.
«Жанчыны слабейшыя розумам. Вядома, бываюць нейкія там Марыі Кюры, але ўсё ж такі гэта рэдкасць», — заявіў Смірноў. Разам з тым, протаіерэй дадаў, што жанчыны больш цярплівыя, клапатлівыя, у іх «больш любові», а за іх дзеяннямі «стаіць подзвіг», якога Бог чакае ад кожнага чалавека.
Дзімітрый Смірноў таксама падзяліўся гісторыяй з жыцця яго парафіі, калі жанчына «тлумачыць больш-менш талкова», у той час як яе муж «не можа слова вымавіць».
Цяпер чытаюць
Шакуючая страта года, таямнічыя знікненні, дыкпікі і дэпартацыі — асноўныя людзі і падзеі 2025 года4
Каментары