Грамніцы — палавіна зіміцы, маразоў палавіцы.
Грамніцы — палавіна зіміцы, маразоў палавіцы.Як на Грамніцы певень нап’ецца вадзіцы, дык на Юр’я наесца травіцы. Як на Грымніцы адліга, з ураджаю будзе хвіга. Грамніцы — скідай рукавіцы :) Цікавая прыкмета, зважаючы на мінус 20 сённяшняй ноччу.
… Тым не менш сёння сонца павяртае на вясну.
На Грамніцы ў цэрквах свецяць свечкі. Іх называюць грамнічнымі, колісь яны аберагалі хаты ад перуна.
2 лютага — каталіцкія, а 15‑га — праваслаўныя Грамніцы. Дакладная царкоўная назва свята «Сустрэча Госпада нашага Ісуса Хрыста» — «Стрэчанне».
У ЗША і Канадзе гэта Дзень сурка.Таксама свята чакання вясны.
Згодна з народнай традыцыяй, у гэты дзень трэба назіраць за сурком, які пакідае свае нару. Калі дзень пахмурны, і сурок не пабачыць свой цень і спакойна вылезе з нары, то хутка зіма скончыцца і прыйдзе ранняя вясна.
Калі ж пабачыць цень, то яшчэ шэсць тыдняў будзе зіма.
Што праўда, амерыканцы нічога не выдумалі новага. У старажытным Рыме 2 лютага будзілі вожыка і таксама сачылі пабачыць ці не ён свой цень. У Нямеччыне хадзілі ў лес будзіць барсука.
Выхадцы з Нямеччыны і былі перасяленцамі ў штаце Пенсільванія, дзе жыве самы вядомы на сёння сурок, абуджэнне якога праходзіць перад дзесяткамі тэлекамер.
Проста ў ЗША тады не стрэлі ні вожыкаў, ні барсукоў, таму і прыйшлося задаволіцца менавіта сурком.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне6
Каментары