Уцёк «хімік». Асаблівая прыкмета: пабачыўшы царкву, пачынае маліцца
З «хіміі» ў Ваўкавыску збег 34-гадовы гродзенец, асуджаны за незаконны зварот наркотыкаў. Пазняк Святаслаў Часлававіч сышоў з тэрыторыі папраўчай установы адкрытага тыпу днём 26 мая, і да гэтага часу пра яго месцазнаходжанне нічога не вядома. Паводле інфармацыі міліцыі, ён можа наведваць храмы і манастыры, піша tut.by
Фота: labur.by.
На выгляд мужчыну 30-35 гадоў, рост 183 см, хударлявага целаскладу, цёмныя валасы.
Асаблівая прыкмета: радзімая пляма на шыі злева. Быў апрануты ў шэра-чорную байку з капюшонам, чорныя штаны спартыўнага тыпу і цёмныя красоўкі. Таксама асуджаны можа быць апрануты ў камуфляж зялёнага колеру.
Паводле інфармацыі партала labur.by, уцекача бачылі ў Іванаўскім раёне Брэсцкай вобласці. Пры сабе можа мець кнопкавы раскладны мабільны тэлефон Samsung, фатаграфіі і лікі святых. Пабачыўшы царкву, крыж і абразы моліцца і хрысціцца.
Калі вы бачылі гэтага мужчыну альбо ведаеце пра яго месцазнаходжанне, міліцыя просіць тэлефанаваць: (801512) 43803 або +375 (29) 7306731 або 102.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары