Грамадства5353

Каледж у Відзах усталяваў ва ўласным двары помнік з расійскім двухгаловым арлом ФОТА

Увагу на гэта звярнуў віцебскі журналіст Зміцер Казакевіч, які паходзіць з Відзаў. Падчас аднаго з наведванняў роднага мястэчка ў Браслаўскім раёне ён пабачыў памятны камень з гербам Расійскай імперыі

«1 верасня 1803 года па ўказе цара Аляксандра І было адкрытае Відзаўскае гарадское ўезнае вучылішча ў горадзе Відзы Ковенскай губерні Віленскай адукацыйнай акругі».

Казакевіч на сваёй старонцы ў фэйсбуку напісаў: «Прыехаў на радзіму - і на табе: камень. Мала было кавярні «Традіція 1803», дык яшчэ камень упёрлі […], цара-бацюшку прыпомнілі. І гэта, калі што, на радзіме Тамаша Ваўжэцкага [адзін з кіраўнікоў паўстання 1794 года — «НН»], які тут вучыўся ў езуіцкай школе і які пахаваны ў Відзах. Мне прыкра. Дарэчы, тая самая езуіцкая школа была заснаваная ў Відзах на пачатку 18 ст».

Высветлілася, што памятны знак быў адкрыты сёлета яшчэ ў чэрвені. Намесніца дырэктара Відзаўскага дзяржаўнага прафесійна-тэхнічнага каледжа па вучэбна-выхаваўчай рабоце Ніна Лапкоўская так патлумачыла сітуацыю:

«У 1803 годзе быў указ па адкрыцці ўезных гарадскіх вучылішчаў. Такое вучылішча было адкрытае ў тым ліку і ў Відзах. У нас вывучалася агранамія, былі асновы прафесійнай адукацыі. Мы знайшлі адпаведныя дакументы ў архівах.

І гэта была Расійская імперыя, таму мы ўсталявалі такі памятны знак. Гэта выключна наша бачанне, нам ніхто яго не навязваў. У нас быў даследчы праект, з якім мы занялі першае месца на рэспубліканскім конкурсе. Усталявалі памятны знак з павагай да мінулага. Усё было за сродкі каледжа, нам ніхто не дапамагаў. Увесь праект зроблены пад кіраўніцтвам дырэктара Міхаіла Смірнова, ён быў ініцыятар, а з ім пагадзіўся ўвесь педагагічны калектыў», — сказала спадарыня Лапкоўская.

Відзы — аграгарадок у Браслаўскім раёне Віцебскай вобласці.

Каментары53

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Вылецела ў невядомым кірунку спікерка КР Анжаліка Мельнікава30

Вылецела ў невядомым кірунку спікерка КР Анжаліка Мельнікава

Усе навіны →
Усе навіны

У міліцыі назвалі памер хабару, які ўзяў намеснік дырэктара Беларускай чыгункі6

Мінчукі размятаюць свежы бярозавік1

Пуцін прапанаваў увесці знешняе кіраванне ва Украіне для правядзення выбараў і паабяцаў дабіць УСУ20

У міліцыі расказалі, як знайшлі забойцу двух чалавек у Рагачоўскім раёне1

305 рублёў за цукарніцу, 456 за заварнік: цэны ў анлайн-краме Свята-Елісавецінскага манастыра шакуюць19

Аперацыя па пошуку салдатаў ЗША, што праваліліся ў балота ў Літве, доўжылася ўсю ноч2

Гэты маленькі звярок можа раскрыць сакрэт барацьбы са старэннем6

«Рыхтавацца да найгоршага»: Макрон заявіў, што ў Парыжы абмяркоўвалі планы падтрымкі Украіны без ЗША2

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае18

больш чытаных навін
больш лайканых навін

Вылецела ў невядомым кірунку спікерка КР Анжаліка Мельнікава30

Вылецела ў невядомым кірунку спікерка КР Анжаліка Мельнікава

Галоўнае
Усе навіны →

Заўвага:

 

 

 

 

Закрыць Паведаміць