Ехаў на абадах: у Італіі спынілі п'янага беларускага дальнабойшчыка
У мінулыя выходныя італьянскіх жыхароў напалохала фура з літоўскімі нумарамі: яна віхляла па дарозе на узарваных колах. Высветлілася, што кіроўца грузавіка - п'яны беларус, піша tut.by са спасылкай на італьянскія СМІ.
Інцыдэнт адбыўся 3 жніўня ў паўночнай Італіі. Па дарозе паміж невялікімі мястэчкамі ехаў грузавік з літоўскімі нумарамі, які вельмі небяспечна хістаўся з боку ў бок. А ў горадзе Луратэ-Качывіа ў вялікагруза і зусім выбухнулі колы. Яны накруціліся на абады, але фура ехала так яшчэ некалькі кіламетраў.
Калі вялікагруз заблакавала паліцыя, з кабіны выйшаў малады кіроўца. Выглядаў ён спалоханым. Высветлілася, што гэта грамадзянін Беларусі, ён быў п'яны: узровень алкаголю ў пяць разоў перавышаў дапушчальную мяжу.
У яго канфіскавалі правы, але самога па рашэнні пракурора не арыштавалі - бо людзі не пацярпелі. Фуру адагналі на стаянку, адкуль яе забрала літоўская кампанія, на якую працаваў кіроўца.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары