Еўрасаюз павінен назіраць, каб БелАЭС, што будуецца ў Астраўцы, недалёка ад літоўскай мяжы, адпавядала стандартам бяспекі, сказала канцлер Нямеччыны Ангела Меркель, піша Delfi.
«Нямеччына падтрымлівае Літву, каб выконваліся больш высокія крытэрыі бяспекі. ЕС павінен сачыць, каб гэтая станцыя ў Астраўцы адпавядала ўсім стандартам бяспекі і не з'яўлялася пагрозай», — сказала канцлер Нямеччыны на сумеснай прэс-канферэнцыі з прэзідэнтам Літвы Гітанасам Наўседай у Берліне.
БелАЭС будуецца ў Астраўцы, за 50 кіламетраў ад Вільні і менш за 30 кіламетраў ад літоўскай мяжы.
Прэзідэнт Літвы Наўседа сказаў, што станцыя нібыта будуецца з парушэннямі патрабаванняў бяспекі, яе месца выбрана зыходзячы з геапалітычных, а не з эканамічных меркаванняў.
«Мы вельмі просім дапамогі нашых сяброў у ЕС у плане дасягнення таго, каб гэтая станцыя яшчэ да пачатку яе функцыянавання ператварыла ў жыццё ўсе стандарты бяспекі, якія неабходна», — сказаў кіраўнік Літвы.
Каментары