«Мяне падтрымалі шмат незнаёмых людзей, Бі-бі-сі рыхтуе фільм». Аляксандра Бурыкіна расказала пра жыццё пасля споведзі
Аляксандра Бурыкіна доўгі час вымушана грала ролю ўдзячнай дачкі «бацюшкі са свастыкай» Канстанціна Бурыкіна, настаяцеля храма ў Гатаве.
Але нядаўна стала вядома, што на Бурыкіна заведзена яшчэ адна справа, за «гвалтоўныя сэксуальныя дзеянні», і ахвяра — дачка.
У канцы чэрвеня Аляксандра дала гучнае інтэрв'ю «Нашай Ніве», у якім расказала пра жудасныя рэаліі сямейнага жыцця.
Чытайце: «Расказала толькі маме, на яе магіле»: жудасная споведзь дачкі «бацюшкі са свастыкай» пра тое, што ён рабіў з ёй
Што змянілася з таго часу? Якой была рэакцыя блізкіх на такую шчырасць?
«Пакуль у мяне ўсё па-старому, — кажа Аляксандра. — Ідзе следства, таму пра справу нічога казаць не магу. Усё правяраецца. Мая мачаха пакуль яшчэ жыве з дзецьмі. Відаць, яе лёс будзе ясны пасля суда».
«У асноўным мяне падтрымлівалі, шмат незнаёмых людзей. Бо першапачаткова як?
Калі пракуратура заявіла, што заведзена справа, то, ведаеце, мне такія з'едлівыя жарты пісалі, абразы. А потым, калі я выгаварылася, то наадварот — нават знаёмыя бацькі і Вольгі [мачаха, другая жонка Бурыкіна — «НН»] выйшлі на сувязь і казалі «Які жах!».
Пакуль што я трэніруюся, сама патроху трэнірую, спрабую ўладкавацца на работу на запраўку. Адносіны з іншымі спартоўцамі-паўэрліфтарамі наладзіліся, мяне ж раней недалюблівалі, а цяпер роўна ставяцца, без касых поглядаў. Сябры мяне падтрымалі таксама», — дадала яна.
Таксама дзяўчына кажа, што стамілася ад увагі прэссы.
Аляксандра расказала, што Бі-Бі-Сі збіраўся здымаць фільм пра яе пакуты. Дзяўчына дала для яго інтэрв'ю, але потым адмовілася ад здымкаў у горадзе, бо «не хочацца рабіць з гэтага кіно».
Маўляў, журналісты адказалі, што нешта прыдумаюць узамен.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары