Афіша

«Ракаўскі фэст», «Тбілісоба», лекцыя пра лічбавыя правы чалавека… Некалькі варыянтаў, чым заняцца на выхадных

Вось нашы прапановы:

1. Паехаць на «Ракаўскі фэст»

25 жніўня ў Ракаве ў чацвёрты раз пройдзе фестываль «Ракаўскі фэст». Ракаў — полікультурнае мястэчка. Здаўна тут цесна пераплецены культуры розных народаў, якія на працягу многіх стагоддзяў мірна і плённа разам працавалі і адпачывалі. Асаблівага росквіту Ракаў дасягнуў у 30-я гады мінулага стагоддзя, калі апынуўся на памежжы Польшчы з СССР, і нават атрымаў неафіцыйны статус «сталіцы кантрабандыстаў».

У праграме чакаецца:

- выступленні 30 калектываў і артыстаў з Польшчы, Літвы, Аўстрыі і Беларусі;

- прэзентацыя беларускай, польскай, габрэйскай і літоўскай культур;

- выставы;

- «Кулінарны батл»;

- квэст «Сцежкамі кантрабандыстаў»;

- бясплатныя экскурсіі па Ракаве і шмат-шмат іншага.

Падрабязней можна паглядзець на нашай Афішы.

Дзе: Ракаў (Валожынскі раён, Мінская вобласць)

Калі: 25 жніўня (нядзеля), 12:00 — 22:00

Уваход: вольны

2. Адчуць грузінска-беларускі характар на «Тбілісобе»

24 жніўня ў Мінску пройдзе «Тбілісоба» — дзень нацыянальнай культуры Грузіі. Але адметнасцю гэтага года стане тое, што фэст аб’яднае дзве культуры і пройдзе пад слоганам «Свята з грузінска-беларускім характарам».

Фестываль правядуць у Верхнім горадзе, завершыць яго адкрыты канцэрт гурта Mgzavrebi. Па традыцыі, грузінскія песні будуць гучаць са сцэны ў гістарычным цэнтры Мінска з паўдня і да паўночы. Каб прывезці ўсіх музыкаў, якія выступяць на сцэне ў гэты дзень, замест звычайнага рэйсавага «Эмбраэра» ў Беларусь з Грузіі ў гэты дзень прыляціць больш ёмісты «Боінг».

На фэсце вас чакае супер насычаная праграма, пазнаёміцца з якой вы можаце тут.

Дзе: Верхні горад, Мінск

Калі: 24 жніўня (субота), 13:00

Уваход: вольны

3. Паглядзець «Angry Birds 2 в кино»

Дзікія войны двух непрымірымых супернікаў з мультфільма «Angry Birds 2 у кіно» працягваліся да пэўнага моманту. Родныя выспы, на якіх у шчасці жылі птушкі і свінкі, апынуліся ў поле зроку небяспечнай і жорсткай мсцівіцы Зэты. Яна жыла на тэрыторыі, што была ўсцелена лёдам і снегам, мерзла і галадала, пакуль яе суродзічы атрымлівалі асалоду ад яркага і гарачага сонейка, пляжа і мора. А яшчэ яны пастаянна ваявалі па дробязях. Прыйшоў час іх правучыць.

Цяпер птушкі і свінкі вымушаныя аб'яднацца, каб спыніць Зэту і выратаваць сваіх сяброў і блізкіх. Рыхтуецца адважная каманда смельчакоў, разнашэрсная і не занадта прафесійная.

Працягласць: 99 хвілін

Краіна: Фінляндыя, ЗША

 

Дзе: Арт-кінатэатры (у ГЦ «Еўропа» і «Тытан»)

Калі:

25 і 26 жніўня 14:15, 16:15 («Тытан»)
25 і 26 жніўня 13:15, 15:15 («Еўропа»)

Кошт: 5.50 — 10.00 BYN

Квіткі на Afisha.nn.by

4. Наведаць лекцыю «Окей, Google, што такое лічбавыя правы чалавека?»

У межах ментарскай праграмы Human Lab Лабараторыя Лічбавых Свабод правядзе семінар па лічбавых правах чалавека.

 

Што будуць абмяркоўваць?

  • Свабоду інфармацыі online,
  • Навошта патрэбна прыватнасць і абарона персанальных дадзеных?
  • Хто і як кіруе інтэрнэтам?
  • Што такое электронны ўрад і электронны ўдзел?
  • Дзе ва ўсім гэтым месца правам чалавека і як іх абараніць? Чалавека?

 

Уваход вольны, але трэба зарэгістравацца.

Free donation вітаюцца.

Дзе: Культ. Цэнтр «Корпус» (Мінск, пр-т Машэрава, 9/8), прастора «Другі паверх»

Калі: 24 жніўня (субота), 15:00

Уваход: вольны

5. Схадзіць на вечарынку Collaboracia Red і дапамагчы дрыгве Ельня

24 жніўня ў клубе Hide пройдзе вечарына Collaboracia Red.

Red — колер асаблівай увагі да дрыгвы Ельня — прыроднага аб'екта, якому ўжо больш за 9 тыс. гадоў. Захапі з сабой сяброў і проста тусуйся, а заадно дапамагай экалогіі на вечарыне, арганізаванай у падтрымку дрыгвы Ельня!

Што цікавага цябе чакае на Collaboracia Red?

  • Музыкант MODD — хэдлайнер вечарыны, удзельнік вядомых ва ўсім свеце фестываляў Tomorrowland і Coachella. Адразу пасля дэбютнага тура па Амерыцы, MODD прызямліцца ў Мінску, каб скарыць сэрцы найпрыгажэйшым Deep House гучаннем.
  • Музыкант SOULTAPE — другі хэдлайнер вечарыны, удзельнік магутнага дуэта Adjustment Bureau. Адзін з заснавальнікаў кам'юніці HAZE. Выдаецца ў фармаце Vinyl Only.
  • Тэматычныя маштабныя візуальныя інсталяцыі.

У чым дапамога Ельні?

20% ад усіх продажаў на Collaboracia Red мы накіруем на здымкі фільма ў падтрымку дрыгвы Ельня. Фільм будуць здымаць удзельнікі KURS: RA (яны ж удзельнікі Collaboracia) — праекта-пераможцы найбуйнейшага конкурсу сацыяльных праектаў у Беларусі Social Weekend'13.

 

Dress Code: RED (любая чырвоная дэталь ужо залічваецца)

Рэгістрацыя на вечарынку тут.

Дзе: клуб Hide (Мінск, вул. Кастрычніцкая, 19/4)

Калі: 24 жніўня (субота), 22:00 — 7:00

Уваход: 20.00 — 30.00 BYN

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта11

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Усе навіны →
Усе навіны

Настаўніца расказала, як педагогі вымушаны справаздачыцца за паездкі за мяжу6

Ізраіль аднавіў удары па аб'ектах ХАМАС у сектары Газа1

Трамп заявіў, што «многія элементы» мірнага пагаднення ўжо ўзгодненыя3

Лойка: Калаўр мог спрачацца і адвакатаваць такія рэчы, пра якія ніхто іншы заікнуцца не мог7

Распавядаем, што за новую зброю ўжылі ў Сербіі для разгону пратэстаў. Яна ўжо ёсць у Расіі7

Тэлетрансляцыя са стадыёна ў Мінску, які ў 2021 годзе адкрываў Лукашэнка, «небяспечная для здароўя аператараў»1

Венгрыя пагадзілася працягнуць санкцыі супраць Расіі пасля званка Рубіа3

Палітзняволеная Антаніна Канавалава расказала, што ёй прапаноўваў ГУБАЗіК пасля яе вызвалення3

Магілёўскі кандуктар забаўляе пасажыраў песнямі ВІДЭА1

больш чытаных навін
больш лайканых навін

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта11

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Галоўнае
Усе навіны →

Заўвага:

 

 

 

 

Закрыць Паведаміць