Пражскія дэпутаты прынялі рашэнне перамясціць помнік маршалу Савецкага Саюза Івану Коневу з плошчы Інтэрбрыгады ў адзін з музеяў, піша iDNES.cz.
За перанос помніка маршалу Коневу прагаласавалі 33 члены рады дэпутатаў, супраць выступіў адзін, яшчэ шасцёра ўстрымаліся. Згодна з рашэннем мясцовых уладаў, на плошчы Інтэрбрыгады можа з'явіцца манумент героям-вызваліцелям Прагі ад нацызму ў 1945 годзе. Савет ужо абвясціў пра пачатак конкурсу на праект новага помніка.
Шмат разоў помнік Коневу станавіўся ахвярай вандалаў.
У ноч з 21 на 22 жніўня невядомыя нанеслі на помнік надпіс «Не крываваму маршалу, не забудзем» і дату — «1968 год».
Акрамя Другой сусветнай, Конеў удзельнічаў таксама ў падаўленні Венгерскага паўстання 1956 года і падрыхтоўцы аперацыі «Дунай» па ўварванні ў Чэхаславакію ў 1968 годзе.
Цяпер чытаюць
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам18
Каментары