Дасведчаны турыстычны гід пайшоў у адзіночны паход у Аўстраліі, зваліўся ў вадаспад і паламаў нагу і руку. Пра гэта паведамляе ABC News.
54-гадовы жыхар Брысбена Ніл Паркер адправіўся ў нацыянальны парк Cabbage Tree Creek, каб падняцца на вадаспад. Калі ён пачаў лезці па скале, яго нага саслізнула з каменя і ён паваліўся ў ручай.
У выніку падзення Паркер зламаў нагу і запясце і яму давялося самому аказваць сабе першую дапамогу, а затым зрабіць усё, каб ратавальнікі маглі яго адшукаць.
«Я неаднаразова ўдзельнічаў у выратавальных аперацыях і ведаў, што мне трэба паўзці на адкрытую прастору. Я прыкладна ўяўляў, дзе знаходжуся, і разумеў, што там мяне сапраўды ніхто б не знайшоў », — успамінае мужчына.
Пасля гэтага Паркер на працягу двух дзён поўз да адкрытай паляны і цягнуў зламаную нагу за сабой, перасоўваючы яе рукамі. Яму даводзілася выжываць, сілкуючыся жменькай арэхаў, пратэінавымі батончыкамі, якія былі разлічаны ўсяго на трохгадзінны паход.
У выніку выратавальная група выявіла пацярпелага турыста і даставіла яго ў бальніцу. Лекары былі шакаваныя гісторыяй Паркера і сказалі, што ніколі раней не сутыкаліся з падобным.
Цяпер чытаюць
Трагедыя ў Барысаўскай бальніцы: унучка пацыента кажа, што на яго звярнулі ўвагу праз шэсць гадзін, калі ўжо пена пайшла з рота — ён памёр15
Каментары