Урад Літвы: Пахаванне парэшткаў Каліноўскага мае прайсці ў Вільні 22 лістапада
Выяўленыя на гары Гедыміна парэшткі паўстанцаў XIX ст. будуць урачыста пахаваныя ў Вільні на могілках Росы 22 лістапада, пацвердзіў урад Літвы ў чацвер, паведамляе Delfi
Падчас урачыстай цырымоніі іх парэшткі будуць дастаўлены ў Віленскі Кафедральны сабор, а затым перавезены на могілкі Росы.
Віцэ-канцлер урада Дэйвідас Матулёніс сказаў BNS, што падрабязнае абмеркаванне цырымоніі адбудзецца ва ўрадзе 8 кастрычніка.
«Уся цырымонія пачнецца на Кафедральным пляцы, у саборы мы вырашым, як арганізаваць урачыстую перавозку на Росы, адбудуцца цырымоніі на саміх могілках і ў капліцы. Парэшткі будуць змешчаны ў сімвалічныя, маленькія дамавіны і будуць транспартавацца», — сказаў Матулёніс BNS.
Нагадаем, што частка беларускай грамадскасці просіць перапахаваць парэшткі Кастуся Каліноўскага ў Беларусі. Другая частка выступіла за Вільню
Каментары