Прэзідэнт Украіны Уладзімір Зяленскі звольніў з пасады сакратара Рады нацыянальнай бяспекі і абароны Аляксандра Данілюка. Адпаведны ўказ апублікаваны на афіцыйным сайце прэзідэнта Украіны.
Указ быў падпісаны і апублікаваны 30 верасня. Пра тое, хто будзе прызначаны на пасаду кіраўніка РНБА замест Данілюка, пакуль не паведамляецца. Афіцыйных каментароў па гэтай сітуацыі з боку офіса прэзідэнта або экс-сакратара РНБА пакуль таксама не паступала.
Магчымае звальненне Данілюка абмяркоўваецца з 27 верасня. У гэты дзень СМІ паведамілі, што кіраўнік РНБА напісаў адпаведную заяву, якую Зяленскі паабяцаў разгледзець пасля вяртання з ЗША. Пазней стала вядома, што Данілюк падаў у адстаўку з-за рознагалоссяў з кіраўніком офіса прэзідэнта краіны Андрэем Богданам і алігархам Ігарам Каламойскім. Данілюка не задавальняла, што Богдан спрабаваў уплываць на рашэнне РНБА, а Каламойскі хацеў павялічыць свой уплыў на ўкраінскую палітыку і атрымаць кампенсацыю за нацыяналізацыю «Прыватбанк».
Данілюк быў прызначаны на пасаду сакратара РНБА на наступны дзень пасля інаўгурацыі Зяленскага, 22 мая.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары