На расійскім самалёце МС-21-300 падчас выпрабавальнага палёту выявілі няспраўнасць. Лайнер рыхтуецца да экстранай пасадкі ў падмаскоўным Жукоўскім, перадае ТАСС са спасылкай на крыніцы ў экстраных службах.
«У самалёта падчас выпрабавальнага палёту адбылася тэхнічная няспраўнасць звязаная з гідраўлікай — не прыбраліся стойкі шасі», — заявіў суразмоўца агенцтва.
17 верасня МС-21 здзейсніў першы міжнародны палёт з Жукоўскага ў Стамбул. Пасля гэтага камандзір судна Васілій Севасцьянаў заявіў, што заўваг «ніякіх па самалёце няма».
МС-21 («Магістральны самалёт XXI стагоддзя») прызначаны для перавозкі да 211 чалавек на адлегласць да 6,4 тысячы кіламетраў. Першы палёт машына здзейсніла ў маі 2017-га. Працягласць палёту тады склала паўгадзіны, ён праходзіў на вышыні 1000 метраў пры хуткасці 300 кіламетраў у гадзіну. Плануецца, што серыйны выпуск пачнецца да канца 2020 года.
Цяпер чытаюць
Памілаваны 15 палітвязняў, у тым ліку дзве сямейныя пары2
Каментары