«У найбліжэйшы тыдзень тэмпература паветра будзе біць усе магчымыя рэкорды», — распавядае намесніца начальніка службы метэапрагнозаў Белгідрамета Святлана Рыбакова.
«І хаця ў нас, метэаролагаў, няма такога паняцця як бабіна лета, але паверце, у наступныя сем дзён нас чакае менавіта яно», — працягвае Святлана.
Кастрычнік спачатку толькі напалохаў нізкімі тэмпературамі і нават невялікім снегам, цяпер жа надвор’е падказвае: схавайце пухавікі.
«У наступныя некалькі дзён тэмпература паветра ўначы будзе вагацца ў межах 6-12 градусаў, днём паветра будзе прагравацца да 20 градусаў, у Гомельскай вобласці нават да 22С», — распавядае Святлана Рыбакова.
А ў выходныя, 19-20 кастрычніка будзе яшчэ цяплей.
«У выхадныя чакаецца да 23 градусаў цяпла. Можна смела планаваць выходныя на прыродзе. Канечне, без туманаў не абыдзецца, ды і ёсць невялікая верагоднасць дажджу. Але гэта не той дождж, які можа паўплываць на настрой ці планы», —кажа Святлана Рыбакова.
Псавацца надвор’е пачне ў аўторак, 22 кастрычніка.
«Тэмпература апусціцца ноччу да пяці градусаў, днём будзе ад 7 да 14 цяпла. Вінаваты ў гэтым фронт, які прынясе пахаладанне. Тым не менш, пра снег думаць яшчэ вельмі рана», — падсумавала Святлана Рыбакова.
Іна Кулей: Мілінкевіч перамог смерць, але шлях да поўнага адужання няблізкі4
Каментары