Ва Украіне ў крушэнні верталёта загінуў былы міністр з урада Парашэнкі
У крушэнні верталёта ў Палтаўскай вобласці загінуў былы міністр аграрнай палітыкі і харчавання Украіны Тарас Кутавы, перадае РБК-Украіна. У дзяржслужбе па надзвычайных сітуацыях паведамілі, што ў Оржыцкім раёне Палтаўскай вобласці разбіўся верталёт «Робінсан-44». Інцыдэнт адбыўся каля 16:00, верталёт ляцеў з Кіева. Таксама па дадзеных выратавальнікаў, верталёт у выніку падзення загарэўся. Да тушэння прыцягваліся ратавальнікі і спецтэхніка.
Кутавы быў прызначаны міністрам аграрнай палітыкі і харчавання ў красавіку 2016 года. З новай камандай міністэрства падрыхтаваў план рэфармавання аграрнага сектара Украіны пад назвай «Стратэгія 3+5». Быў членам палітычнай партыі УДАР Віталя Клічко. Да прызначэння ў Кабмін, па некаторых дадзеных, нефармальна каардынаваў ячэйку УДАР у фракцыі «Блока Пятра Парашэнкі».
У лістападзе 2018 Вярхоўная рада Украіны адправіла яго ў адстаўку. За год да гэтага ён падаваў заяву аб звальненьні па ўласным жаданні.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары