Большасць з 39 загінуўшых у грузавіку былі не з Кітая, як паведамлялася раней
Большасць з 39 чалавек, знойдзеных мёртвымі ў грузавіку каля Лондана, былі з В'етнама, піша Reuters.
Спачатку паліцыя заяўляла, што загінулыя з Кітая, але інфармацыя не пацвердзілася.
Міністэрства замежных спраў В'етнама заявіла, што даручыла свайму паслу ў Лондане аказаць дапамогу брытанскай паліцыі ў выяўленні ахвяр.
Брытанская паліцыя, якая расследуе гібель 39 чалавек, чые целы былі знойдзены ў грузавіку ў Эсэксе, затрымала чацвярых падазраваных.
Кіроўца грузавіка, дзе знайшлі 39 цел, быў затрыманы ў першы ж дзень.
У пасольстве В'етнама ў Лондане паведамілі, што з імі звязаліся некалькі сем'яў зніклых без вестак сваякоў.
У в'етнамскай грамадскай арганізацыі Human Rights Space распавялі, што 26-гадовая дзяўчына адправіла сваёй маці тэкставае паведамленне ноччу 23 кастрычніка. Яна напісала, што едзе ў грузавіку з Бельгіі ў Вялікабрытанію і ёй няма чым дыхаць.
«Мне вельмі шкада, мама і тата. Мой шлях за мяжу не ўдаўся. Я люблю вас абаіх так моцна. Я не магу дыхаць», — гаворыцца ў паведамленні.
-
Зяленскі, Макрон і Стармер падпісалі дэкларацыю аб разгортванні ва Украіне замежнага кантынгенту
-
Ва Украіну не пусцілі італьянца ў вышыванцы, які дарогай нахвальваў Пуціна. Праз Threads за ім сачылі дзясяткі тысяч чалавек
-
Трамп: Мы павінны абавязкова перамагчы на выбарах у Кангрэс, інакш пагражае імпічмент
Цяпер чытаюць
У Лагойску пекар адмаўляецца прадаваць свой хлеб пакупнікам, у якіх ёсць сабакі70
Каментары