Кіраўнік Хрысціянскіх дэмакратаў Павел Севярынец заклікаў людзей працягнуць пратэсты. На думку палітыка, супраць «паглыбленай інтэграцыі» трэба пратэставаць да, а не пасля, і настойліва.
У суботу на плошчу ў Мінску выйшла каля тысячы чалавек. Хоць акцыя і не была санкцыянаваная, яна прайшла спакойна і мірна, калі не лічыць інцыдэнта з п'яным правакатарам, якога скруцілі дэманстранты. Маніфестанты прайшлі шэсцем праспектам Незалежнасці і вуліцамі старога горада. Сілавыя структуры маніфестантам не перашкаджалі.
Севярынца падтрымалі актывісты іншых нацыянальных ініцыятыў і палітычных сіл, якія выступілі ў суботу. Яны спадзяюцца, што ў нядзелю пратэст збярэ больш людзей і гэта стане сігналам аб пазіцыі беларускага грамадства як для ўладаў Беларусі, так і для свету.
Заклікі да новай акцыі пратэсту ў нядзелю распаўсюджваюцца таксама ў тэлеграм-каналах, у фэйсбуку, інстаграме і ўкантакце. Людзі дзеляцца сваімі фотамі і відэа з сённяшняга паходу.
Відэастрымы з суботняй акцыі пратэсту за няпоўныя восем гадзін сабралі ўжо больш за 200 тысяч праглядаў. Журналісты абяцаюць асвятляць і заўтрашнюю акцыю.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары