Аляксандр Лукашэнка праводзіць сёння пасяджэнне Рады бяспекі. На яго вынесены пытанні планавання абароны краіны і далейшага развіцця беларускай арміі, перадае БелТА.
«Традыцыйна на пасяджэннях Рады бяспекі мы разглядаем ключавыя пытанні бяспекі нашай дзяржавы, — адкрыў пасяджэнне Аляксандр Лукашэнка. — Сёння на пасяджэнні разгледзім пытанні планавання абароны нашай дзяржавы і далейшага развіцця арміі».
Паводле слоў кіраўніка краіны, цягам года пад кіраўніцтвам Генштаба перапрацоўваецца план абароны Беларусі ў святле цяперашніх рэалій ваенна-палітычнага і стратэгічнага становішча. Разглядаліся новыя формы і спосабы вядзення ваенных дзеянняў, заснаваных на вопыце сучасных узброеных канфліктаў. Праца праведзена з улікам меркаванняў не толькі сілавых, але і астатніх зацікаўленых ведамстваў, адзначыў кіраўнік дзяржавы.
«Наколькі ўсё гэта ўлічана ў распрацаваным дакуменце, у чым яго адрозненне ад дзеючага плана?» — спытаў Аляксандр Лукашэнка. Асаблівую ўвагу ён папрасіў звярнуць на сістэму папераджальных і мер у адказ у выпадку нарастання ваеннай пагрозы для дзяржавы.
Лукашэнка: Мы нічога не павінны хаваць ні ад свайго насельніцтва, ні ад нашых суседзяў
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?9
Каментары