Рашэнне па карэкціроўцы дарожнага збору будзе прымацца ў пачатку 2020 года
Пра гэта заявіў намеснік прэм'ер-міністра Уладзімір Кухараў падчас рабочай паездкі ў Брэсцкую вобласць, сустракаючыся з калектывам Баранавіцкага завода аўтаматычных ліній, піша БелТА.
У прыватнасці, на сустрэчы было ўзнята пытанне аб перспектыве адвязкі дарожнага збору ад працэдуры тэхнічнага агляду аўтамабіляў.
«Над гэтым пытаннем працуюць ужо даўно, разглядаюцца розныя варыянты вырашэння гэтай праблемы. А праблема на самай справе існуе, бо для таго каб пазбегнуць неабходнасці выплачваць падатак, некаторыя аўтаўладальнікі перасталі праходзіць тэхагляд, што пагражае не толькі свайму жыццю, але і жыццю іншых, — адзначыў Уладзімір Кухараў. - Канчатковае рашэнне па гэтым пытанні будзе прымацца ў пачатку наступнага года».
Як паведамляў раней міністр фінансаў Максім Ермаловіч, Мінфін прапануе адвязаць выплату дарожнага збору ад тэхагляду, у якасці альтэрнатывы абмяркоўваецца варыянт уключэння збору ў кошт аўтамабільнага паліва. Міністэрства фінансаў падрыхтавала праект указа, які спрашчае парадак спагнання збору з адначасовым узмацненнем кантролю за яго выплатай. Таксама прапануецца стымул, каб выплачваць збор на працяглы тэрмін.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары