Зімовыя святы скончыліся, але гэта не прычына сумаваць. Можна заўсёды стварыць свята для сваёй сям’і, паставіўшы на стол курнік.
Так, прыгатаванне гэтай стравы зойме нейкі час, але будзьце ўпэўнены, што яно таго варта. Да і толькі адзін кавалачак гэтага пірага так насычае, что можна больш нічога і не гатаваць.
На цеста:
2 шклянкі мукі;
125 г масла;
125 г смятаны;
2 яйкі.
Змяшаць растопленае масла, смятану і яйкі з мукой. Вымесіць гладкае цеста. Дадаць мукі, калі цеста занадта ліпкае. Абгарнуць плёнкай і пакінуць у халадзільніку мінімум на 30 хвілін.
На курыную начынку:
1 курыца (прыкладна 1,5 кг);
2 ст.л. масла;
2 ст.л. мукі;
Па некалькі галінак кропу і пятрушкі.
Курыцу разрэзаць на палову ці на больш дробныя кавалкі і варыць у салёнай вадзе прыкладна 40 хвілін. Астудзіць, аддзяліць ад костак і нарэзаць кавалкамі. Калі хочацца трошкі ашчадзіць час і быць упэўненым у сакавітасці курыцы, можна ўзяць гатовую курыцу грыль.
На патэльні разаграем масла, дадаем муку і трохі курынага булёну. Павінен атрымацца не вельмі густы соус. Дадаем да патэльні кавалкі курыцы, перамешваем, здымаем з агня. Дадаем дробна пасечаную зеляніну. Солім, перчым па смаку.
На грэцкую начынку:
1 шклянка прыгатаванай грэчкі (на 0,5 шклянкі сухой крупы 1 шклянка вады);
1 ст.л. масла;
25 г сухіх грыбоў;
дзве цыбуліны;
2 вараныя яйкі.
Сухія грыбы заліваем гарачай вадой на хвілін 10. Цыбулю дробна наразаем і смажым на патэльні з маслам хвіліны 3. Дадаём нарэзаныя грыбы і смажым яшчэ хвілін 5.
Вараныя яйкі наразаем кавалачкамі, змешваем з грэчкай, цыбуляй і грыбамі. Солім, перчым па смаку.
На бліны:
дзве шклянкі мукі;
3 шклянкі малака;
2 яйкі;
2 ч.л. солі;
4 ч.л. цукру;
2 ст.л. алею.
Злёгку ўзбіць яйкі, дадаць малако, соль, цукар і алей. Усыпаць муку патроху і пастаянна перамешваць цеста. Спекчы блінчыкі на гарачай патэльні, якую трэба змазаць алеем.
Зборка пірага
Цеста падзяліць на два кавалкі — адзін большы, адзін меншы. Меншы кавалак раскачаць у круг.
На бляху выкласці пергамент, трохі пашмараваць яго маслам. Пакласці на пергамент раскачанае цеста, наверх 2-3 блінчыкі. Кладзём частку курынай начынкі, накрываем блінчыкамі, кладзем грэцкую начынку і г.д. У мяне атрымалися 2 слоі курыныя і 3 грэцкія. Зверху лепей, каб аказаліся блінчыкі. Іх накрываем другім кавалкам раскачанага цеста і зашчыпваем унізе край. Верх шмаруем яйкам з малаком, калі хочам атрымаць залацісты пірог. Робім некалькі дзірак на пірагу, каб гарачае паветра выходзіла.
Выпякаем 45 хвілін пры 180 градусах.
Смачна есці!
Каментары