Беларускія лекары на чале з міністрам аховы здароўя Уладзімірам Каранікам плануюць паляцець у Кітай для вывучэння сітуацыі з каранавірусам. Пра гэта карэспандэнту агенцтва «Мінск-Навіны» паведамілі ў прэс-службе Міністэрства аховы здароўя.
Нагадаем, сёння самалёт ІЛ-76МД вылецеў у Пекін з аэрадрома Мачулішчы. Раней Аляксандр Лукашэнка распарадзіўся накіраваць у Кітай самалёт з найбольш неабходнымі медыкаментамі і расходнымі матэрыяламі для падтрымкі ў барацьбе з успышкай каранавіруса. Усяго ў Кітай накіравана 20 т гуманітарнай дапамогі. Груз фармаваўся ў адпаведнасці з запытам кітайскага боку.
Як пракаментаваў міністр аховы здароўя Каранік, «ніхто не сумняваецца ў здольнасці Кітая кантраляваць сітуацыю, але цяпер усе яго рэсурсы сканцэнтраваныя ў найбольш небяспечных раёнах. А ў іншых рэгіёнах, у тым ліку на фоне панічных настрояў, можа ўзнікаць ажыятаж на некаторыя лекі або медыцынскія вырабы. Таму любая дапамога і рэзервы, якія ёсць у распараджэнні кітайскага Міністэрства аховы здароўя, будуць запатрабаваныя».
Па словах Караніка, беларускія медыкі таксама гатовыя вылецець у Кітай для абмену вопытам з калегамі і вызначэння найбольш эфектыўных метадаў прафілактыкі распаўсюджвання інфекцыі. Група медыкаў па вывучэнні сітуацыі з каранавірусам сфарміравана.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары