Украінцы ў красавіку запускаюць рачны турыстычны маршрут з Кіева ў Мазыр
Украінцы запускаюць рачны турыстычны маршрут у Беларусь. Праект стартуе ў красавіку сёлета. Судна будзе курсіраваць паміж Кіевам і Мазыром. Арганізацыйную працу праводзіць Міністэрства інфраструктуры Украіны, якое праводзіла перамовы з Мінтрансам Беларусі, інфармуе УНІАН.
Судна, якое будзе курсіраваць па маршруце, носіць назву «Рассвет» («Світанне»). Яно належыць дзяржаўнаму прадпрыемству.
Таксама беларусы і ўкраінцы абмяркоўвалі развіццё міжнародных транспартных калідораў Чорнае мора — Балтыйскае мора. У прыватнасці, ёсць ініцыятыва аднаўлення міжнароднага воднага шляху Е-40 па маршруце Днепр — Прыпяць — Вісла. Яго працягласць складае больш за 2000 кіламетраў. Праўда, амбіцыйныя планы міністэрстваў некалькіх краін непакояць эколагаў, якія лічаць, што эканамічная выгада непараўнальная з экалагічным уронам праекта.
Каментары