Новы від кітайскага каранавіруса ўпершыню быў знойдзены ў грамадзяніна Украіны. Пра гэта паведамляе РБК-Украіна са спасылкай на The Mainichi.
Так, у аднаго з украінцаў, якія знаходзяцца на борце круізнага лайнера Diamond Princess у Японіі, пацвердзілі заражэнне новым відам каранавіруса. Па дадзеных японскага Міністэрства аховы здароўя, зараз у хворага няма ніякіх сур'ёзных сімптомаў захворвання.
Нагадаем, раней паведамлялася, што Японія ізалявала круізны лайнер Diamond Princess з амаль 4 тысячамі пасажыраў на борце пасля таго, як у 80-гадовага кітайца выявілі інфікаванне каранавірусам новага тыпу 2019-nCoV. Пасажыры і члены экіпажа, у якіх не выявілі каранавірус, будуць заставацца на караблі мінімум 14 дзён.
Таксама РБК-Украіна пісала, што колькасць заражаных новым відам каранавіруса на борце круізнага лайнера Diamond Princess узрасла да 70 чалавек. За апошнія суткі небяспечны вірус быў выяўлены яшчэ ў 6 пасажыраў лайнера, які знаходзіцца на каранціне каля берагоў Японіі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі3
Каментары