Нельга сказаць, што Беларусь знаходзіцца пад амерыканскім уплывам. Пра гэта на палях Мюнхенскай канферэнцыі па бяспецы заявіў «Известиям» кіраўнік МЗС нашай краіны Уладзімір Макей.
Паводле яго слоў, нельга ўцягнуць Мінск у сферу нейкага ўплыву, бо краіна была і знаходзіцца ў Еўропе, дзе побач «ёсць вялікія суседзі, а ёсць суседзі меншыя». Таксама міністр адзначыў, што краіна мае намер умацоўваць адносіны з усімі важнымі гандлёва-эканамічнымі партнёрамі.
На пытанне аб тым, ці будзе збліжэнне з Вашынгтонам выбудоўвацца на абмежаванні адносін з Расіяй, Макей адказаў: «Ніколі Беларусь не сябравала і не будзе сябраваць з кімсьці за кошт некага, на шкоду каму-небудзь ці супраць кагосьці».
«Мы хочам нармальныя, добрыя адносіны з усімі нашымі партнёрамі», — сказаў ён, заўважыўшы, што з суседзямі яны аб'ектыўна заўсёды будуць больш блізкімі.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў86
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары