Лукашэнка: Як я магу забараніць чалавеку пайсці пакланіцца бацькам на Радаўніцу?
Падчас наведвання Нараўлянскага раёна Лукашэнка падзяліўся сваім бачаннем барацьбы з каранавірусам, яго словы перадае тэлеграм-канал «Пул Першага».

«Мною было прынята рашэнне дзейнічаць адпаведна абстаноўцы. Трэба ізаляваць — будзем ізаляваць. Трэба ўводзіць каранцін — будзем уводзіць каранцін. Трэба каменданцкую гадзіну — увядзём каменданцкую гадзіну. Але трэба гэта нашым людзям? Нам зараз гэта не трэба.
Нас хто-ніхто падштурхоўвае ў спіну: давайце каранцін! Лукашэнка такі-сякі! Няма такой неабходнасці. Хоць мы ж не адмаўляем, што і ў нас людзі хварэюць. Мы не зачынілі краіну, мы не спынілі вытворчасці.
На Вялікдзень і я, і людзі хадзілі ў царкву. На Радаўніцу як я магу забараніць чалавеку пайсці пакланіцца бацькам? Я толькі магу рэкамендаваць і прасіць: паберажыце сябе».
Разам з тым Мінздароўя прасіла адмовіцца ад наведвання могілак.
«Настойліва прашу, адмоўцеся ад наведвання пажылых сваякоў на выхадных, не ідзіце на могілкі разам са сваімі старымі сваякамі. Вы можаце ўскладніць іх хваробы», — казала на брыфінгу прадстаўніца Міністэрства.
-
Пачобут не стаў размаўляць з шасцёркамі — ні з Пратасевічам, ні з Васкрасенскім
-
Васкрасенскі: Азотныя ўгнаенні і санкцыі ў адносінах фіз– і юрасобаў — і 1135 палітвязняў будуць у Вільні
-
«Прывезлі маю жонку і сказалі, што яе будуць катаваць». Пара з Украіны расказала жахлівую гісторыю пераследу ў Беларусі
Каментары