Альбом‑вяртанне аднаго з стаўпоў беларускай эстрады першай паловы 1990‑х — беларускага дэ Бурга.
Подарок неба, Ковчег, 2009. — Альбом‑вяртанне аднаго з стаўпоў беларускай эстрады першай паловы 1990‑х — беларускага дэ Бурга.
Сваяком кампазітара ён не з’яўляецца, але кар’еру зрабіў не абы‑якую.
Колісь Смольскі спяваў у гродзенскай рок‑групе «Рада» замест Аляксея Шадзька, потым пайшоў на эстраду, трапіў у студыю «Сяброў» і колькі гадоў яго твар не сыходзіў з экранаў БТ.
Праз немалы перапынак артыст вырашыў вярнуцца на сцэну. Рознае кажуць пра тое, што з ім было ў гэты прамежак часу, але па сёлетнім дыску бачна, што Смольскі ізноў мае сур’ёзныя намеры.
Яго выдадзеная праграма складаецца з пераробленых на сучасны лад «умца‑умца» 1990‑х з захаваннем той самай драм‑машыннай аўры, новых песень і дуэтаў з зоркамі айчыннай поп‑музыкі — Паплаўскай, Ціхановічам, Грыбалёвай, Барабаншчыкавай, а трэк «За Рогожской заставой» запісаны з прэзідэнцкім аркестрам.
У альбоме пераважае спакойная гітарная баладнасць, бывае, гітара плача ну проста як у Сцінга. Выканаўцу часам не хапае тэхнічных магчымасцяў, каб давесці кампазіцыю да ладу, бо цяжка яго папракнуць у адсутнасці музычнага густу.
Няясна чаму на аздабленні этапнага для выканаўцы дыску было вырашана зэканоміць. Такое адчуванне, што гэта абавязковая ўмова для айчыннага поп‑прадукту.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца2
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары