Лукашэнка запатрабаваў павышэння дысцыпліны працы.
Высветліць прычыны павышэння зарплаты банкаўскіх работнікаў даручыў Аляксандр Лукашэнка
падчас нарады па пытаннях фармавання і выкарыстання сродкаў дзяржаўных мэтавых бюджэтных фондаў.
Паводле інфармацыі прэс-службы прэзідэнта, ён звярнуў увагу на тое, што на фоне некаторага зніжэння сярэдняй заработнай платы работнікаў народнай гаспадаркі ў пачатку гэтага года зарплаты работнікаў банкаўскай сферы істотна ўзраслі. А.Лукашэнка даручыў «адпаведным дзяржаўным органам» разабрацца ў гэтай сітуацыі. Банкі і страхавыя кампаніі ва ўмовах уплыву сусветнага фінансава-эканамічнага крызісу не павінны «жыраваць», у той час як многія прадпрыемствы зведваюць немалыя цяжкасці, у тым ліку ў сувязі з высокімі працэнтнымі стаўкамі па крэдытах, заявіў А.Лукашэнка.
Ён запатрабаваў павышэння дысцыпліны працы на кожным працоўным месцы.
«Хто не выконвае вытворчае заданне кіраўніка, павінен быць на вуліцы.Гэта тычыцца любога працуючага чалавека», — падкрэсліў А.Лукашэнка.
Каментары