Лукашэнка: У прыватных фірмах звальняюць людзей, якія не падпісаліся за альтэрнатыўных кандыдатаў
Аб гэтым ён заявіў сёння на нарадзе па актуальных грамадска-палітычных пытаннях, перадае БЕЛТА.
«Апошнім часам, упэўнены, і вам гэтак жа, як і мне, паступаюць скаргі ад людзей па ходзе так званай гэтай выбарчай кампаніі. Што мяне абурае асабліва — у Мінску, іншых гарадах (гэта характэрна для гарадоў) прыватныя кампаніі звальняюць людзей. Прытым, баюся сказаць масава, але досыць шмат. Я наконт гэтага адпаведную заяву ўжо рабіў.
Мала таго, звальняюць людзей — тых, хто не аддаў подпіс за альтэрнатыўных так званых кандыдатаў: ты там за Пятрова, Сідарава не распісаўся — сыходзь», — адзначыў ён.
Аляксандр Лукашэнка папрасіў кіраўніка Адміністрацыі прэзідэнта Ігара Сергеенку, старшыню савета рэспублікі Наталлю Качанаву і кіраўніка спраў прэзідэнта Віктара Шэймана падключыцца да гэтага пытання і выпрацаваць сістэму праверак прыватных кампаній.
«На дзяржпрадпрыемствах такога няма, — заўважыў кіраўнік дзяржавы. — І паглядзець, за што звольнілі людзей за апошнія тры месяцы. Публічна хачу сказаць: калі яны хочуць у Беларусі прыстойна працаваць і даваць карысць краіне, не крыўдзячы людзей, яны павінны аднавіць гэтых людзей або аплаціць ім за тры, два ці адзін месяц — за тое, што выкінулі беспадстаўна».
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі5
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары