Ярмошына расказала, што Бабарыка «ледзь пазбегнуў» зняцця з выбараў
Выбарчыя камісіі пакінулі Віктару Бабарыку толькі 165 744 подпісаў з 365 тысяч пададзеных. Як адбываецца гэта фільтрацыя і чым пагражае прэтэндэнту?
Патлумачым на прыкладзе Фрунзенскага раёна Мінска. Тут было пададзена 47 426 подпісаў у падтрымку Бабарыкі.
Камісія павінна праверыць не менш за 20% з іх (9485 подпісаў). Колькі ўсё ж такі браць на праверку і якія менавіта аркушы, вырашае сама камісія.
Калі аказалася, што больш за 15% правераных подпісаў несапраўдныя, то бяруцца для праверкі яшчэ 15% (7 114 подпісаў).
Такім чынам, у Фрунзенскім раёне праверылі мінімум 16 599 подпісаў (20%+15%). І нібыта выявілася, што не менш за 2490 подпісаў з іх — несапраўдныя.
У такой сітуацыі на Бабарыку не залічваюць усе 47426 подпісаў Фрунзенскага раёна. З іх несапраўднымі лічацца толькі тыя 2490, згаданыя раней, а астатнія проста знікаюць у нікуды.
Калі «несапраўдных» подпісаў замнога, прэтэндэнта ў прэзідэнты павінны зняць з гонкі.
У артыкуле 68-1 Выбарчага кодэкса пазначана, што гэта адбываецца ў выпадку, калі ў агульным па краіне ў кандыдата знайшлі 15% несапраўдных подпісаў ад агульнай колькасці правераных подпісаў.
Ці могуць Віктару Бабарыку адмовіць у рэгістрацыі на падставе гэтага пункта? «Наша Ніва» спытала ў кіраўніцы ЦВК Лідзіі Ярмошынай.
«У Бабарыкі не дацягвае да 15%, як сказалі мне нашы супрацоўнікі. У яго доля несапраўдных подпісаў — 13%», — патлумачыла Ярмошына.
Калі б камісіі налічылі Бабарыку яшчэ 2% несапраўдных подпісаў, то яму б забаранілі ўдзельнічаць у выбарах.
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары