Штаб Бабарыкі ўдакладніў інфармацыю: подпісы ў Стоўбцах і Уздзе ўсё ж былі здадзеныя
Штаб Віктара Бабарыкі ўнёс змены ў табліцу з колькасцю подпісаў, здадзеных у падтрымку свайго кандыдата.
Віктар Бабарыка, фота Надзеі Бужан
У артыкуле на сайце Бабарыкі цяпер пазначана, што ў Стаўбцоўскім раёне было здадзена 995 подпісаў, ва Уздзенскім — 549 подпісаў.
Раней штаб меркаваў, што ў гэтых раёнах не паспелі здаць ніводнага подпіса. На справе ж выявілася, што іх завозіў кіраўнік ініцыятыўнай групы Эдуард Бабарыка. Ён быў затрыманы 18 чэрвеня, таму не паспеў перадаць інфармацыю ў штаб.
Пераразлік закрануў яшчэ некаторыя раёны. Напрыклад, цяпер сцвярджаецца, што ў Смаргоні было пададзена 1766 подпісаў (раней было пазначана 843 подпісы). Тэрытарыяльная камісія між тым настойвае, што ў Смаргоні Бабарыку залічана 1978 подпісаў.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары