Кіраўнік Нацбанка Павел Калаўр заявіў, што беларускі і расійскі бакі асэнсоўваюць, як далей дзейнічаць у сітуацыі з Белгазпрамбанкам. Сюжэт паказалі ў вячэрнім эфіры тэлеканала АНТ, піша Tut.by
— Пасля пэўных дыскусій з уласнікам мы маглі б разам вызначыцца з далейшым лёсам банка, — так кіраўнік Нацбанка адказаў на пытанне журналісткі аб тым, якія перспектывы Белгазпрамбанка ў Беларусі пасля ўсяго таго, што здарылася.
Калаўр распавёў пра найбольш адчувальную рэакцыю расійскага боку.
- Найбольш адчувальная была рэакцыя на тое першае рашэнне, калі мы прапанавалі разам з уласнікам актуалізаваць склад праўлення. Гэта рашэнне праіснавала некалькі дзен, мы яго адмянілі. Увядзенне часовай адміністрацыі — гэта як вымушаная мера. Зараз бакі асэнсоўваюць, як далей дзейнічаць у дадзенай сітуацыі, мы чакаем ад расійскага боку прапаноў па актуалізацыі праўлення, — заявіў ён.
Нагадаем, затрыманні ў Белгазпрамбанку пачаліся 11 чэрвеня. З тых часоў у СІЗА КДБ знаходзяцца некаторыя былыя і цяперашнія топ-менеджары Белгазпрамбанка, а таксама прадстаўнікі камерцыйных структур, якія цесна супрацоўнічалі з банкам. Іх абвінавачваюць у адмыванні грошай, ухіленні ад выплаты падаткаў, махлярстве, дачы і атрыманні хабараў.
Амаль 20 гадоў Белгазпрамбанкам кіраваў Віктар Бабарыка, пакуль не абвясціў у маі аб сваіх прэзідэнцкіх амбіцыях. У чэрвені яго затрымалі па абвінавачванні ў арганізацыі супрацьпраўнай дзейнасці.
15 чэрвеня Нацыянальны банк увёў часовую адміністрацыю па кіраванні Белгазпрамбанкам. Яе кіраўніком стала Надзея Ермакова, якая да 2014 года кіравала Беларусбанкам і Нацбанкам.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары