Пра гэта Аляксандр Лукашэнка заявіў сёння, наведваючы храм у мінскай Масюкоўшчыне, піша БелТА.
«Раство — тое свята, якое як мінімум на год наперад вызначае новае жыццё. Я вельмі хачу, каб мы не паўтарылі папярэдні год, хоць я не кляйміў яго ганьбай. Нам патрэбны быў гэты год, каб мы зразумелі, узяўшыся за розум, і падумалі над будучыняй. Каб мы ўбачылі ўсіх, хто з намі побач, каб мы дакладна вызначыліся, хто ёсць хто. Нам патрэбен быў гэты год, але ён патрэбен быў нам у мінулым. Я не хачу, каб ён паўтарыўся ў гэтым і будучым годзе», — заявіў Лукашэнка.
Ён пажадаў, каб наступны год быў лепшы за папярэдні.
«І ён будзе лепшым, калі мы не захочам, а зробім усё неабходнае, што залежыць ад кожнага з нас так, каб гэты год быў лепш. Але самае галоўнае — беражыце адно аднаго, сваіх родных, блізкіх», — сказаў ён.
«Нам трэба ўзяць у рукі галаву і задумацца пра нашу будучыню. Менавіта ў гэты святы дзень Ён (Гасподзь) адтуль папярэджвае нас, — сказаў Лукашэнка.
— Ён нас папярэджвае, каб мы думалі пра будучыню, думалі пра будучыню нашых дзяцей. Гэта вельмі актуальна і вельмі важна. Мы павінны разумець, што толькі разам можам выратаваць гэты кавалачак зямлі, і нашы дзеці змогуць пасля нас жыць сваім розумам на сваёй зямлі. У навагоднім пасланні я ўжо сказаў пра гэта, што мы можам страціць тое, што ёсць. І самае страшнае — мы можам гэта страціць незваротна».
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае19
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары