абноўлена
Перастаў выходзіць на сувязь кнігараспаўсюднік Алесь Яўдаха, выдаўца Андрэя Янушкевіча забралі на допыт у ДФР
Алесь Яўдаха перастаў раніцай выходзіць на сувязь, тэлефон адключаны.
Алесь Яўдаха
«Перад гэтым паспеў напісаць, што да яго звоняць у дзверы», — напісалі яго сябры.
Пазней Беларускі ПЭН-цэнтр паведаміў, што перасталі выходзіць на сувязь Сяргей Макарэвіч і Андрэй Янушкевіч з выдавецтва «Янушкевіч».
Пазней «Радыё Свабода» высветліла, што Андрэя Янушкевіча забралі на допыт у ДФР. Сяргей Макарэвіч на волі.
«Прыйшлі 4 супрацоўнікі ДФР у выдавецтва «Янушкевіч». Яны правялі агляд і забралі камп'ютар і ноўтбукі выдавецтва. Флэшку, знешні дыск. Андрэя Янушкевіча забралі на допыт», — расказаў Макарэвіч, які ў гэты час быў у выдавецтве.
Нагадаем, што 13 студзеня на допыт у ДФР забіралі кіраўніка выдавецтва «Кнігазбор» Генадзя Вінярскага.
Каментары