У нядзелю ў Мінску затрымалі цэлую экскурсійную групу. Ім даюць суткі і штрафы
На судзе экскурсаводка Аксана Манкевіч сваю віну па арт. 23.34 КаАП ва ўдзеле ў масавым мерапрыемстве не прызнала і хадайнічала пра запыт відэа з камер назірання, каб даказаць, што яна вяла экскурсію, паведамляе «Новы час» са спасылкай на праваабаронцаў.
Суддзя Наталля Бугук адхіліла гэтае хадайніцтва. Аксана распавяла, што яшчэ ў пачатку экскурсіі на пр. Незалежнасці з'явіліся бусы і затрымалі 7 чалавек з экскурсіі. Суддзя Бугук прызнала Манкевіч вінаватай і асудзіла на 15 сутак.
Яшчэ адну ўдзельніцу экскурсіі Юлію Бажкову аштрафавалі на 870 рублёў (30 базавых), бо ў Юліі ёсць 11-гадовае дзіця.
Юрыстка Кацярына Бяссонава гэтак жа хадайнічала аб запыце відэа з камер назірання, але ёй таксама было адмоўлена. Суддзя Бугук зачытала пісьмовыя матэрыялы справы, у якіх былі скрыншоты з «заклікамі ва ўдзеле ў рэпетыцыйным маршы перад УНС». Юлія абурылася і спытала, як гэта тычыцца яе затрымання, на што суддзя адказала, што «тут толькі суд можа задаваць пытанні».
Скрыншоты з «заклікамі» прыклалі да спраў усіх удзельнікаў экскурсіі. У выніку Бяссонава адправілася на 15 сутак па рашэнні суда.
-
Пахаваць законна свайго хатняга любімца ў Беларусі можна толькі ў жывёльны могільнік. Парушэнне закону выглядае больш маральна прымальным для многіх
-
Калеснікава: Вайна, якую пачала Расія, не проста супраць Украіны. Гэта вайна супраць еўрапейскіх каштоўнасцяў
-
Што цяпер з італьянскімі візамі? Масавыя адмовы? Турфірмы называюць альтэрнатыву
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары