Петыцыя ў абарону бел-чырвона-белага сцяга ўжо сабрала 89 тысяч подпісаў. Што з ёй будзе далей?
Каб сайт з петыцыяй у абарону бел-чырвона-белага сцяга не лёг, давялося павялічыць магутнасць сервера ў 16 разоў.
Гэта петыцыя стала самай папулярнай за ўсю гісторыю сайта. Дагэтуль больш за ўсё подпісаў збіраў ліст з патрабаваннем выпусціць Віктара Бабарыку (больш за 17 тысяч).
Платформа спачатку не спраўлялася з наплывам ахвотных. Магутнасць сервера давялося павялічыць у 16 разоў.
«Калі з тэлеграм-каналаў адначасова прыходзіць шмат людзей, часам сервер падае. Я меркаваў, што будзе вялікая колькасць наведванняў, таму павялічыў магутнасць серверу спачатку з 4 да 16 працэсараў, а пасля да 32. На такіх серверах звычайна працуюць нацыянальныя навінавыя парталы. І нават ён на хвіліну ўпаў. Я мусіў падняць сервер да 64 працэсараў — толькі тады ён стаў вытрымліваць», — расказаў заснавальнік petitions.by Уладзімір Кавалкін.
У пікавы час на петыцыю адначасова заходзіла больш за 4500 чалавек.
Як верыфікуюцца подпісы? Платформа пасля аўтаматычна праганяе іх па спецыяльных алгарытмах, каб выдаліць несапраўдныя — тыя, у якіх пазначаны неіснуючы адрас ці імя. У распрацоўшчыкаў ёсць вялізная база імён і беларускіх адрасоў. Калі, напрыклад, у графах будзе стаяць выдуманае слова, такі подпіс адсеецца. Правяраць яго пасля будуць уручную. З верыфікацыяй замежных адрасоў таксама будзе цяжэй.
«Мы б хацелі справіцца за ўікенд і да панядзелка паспрабаваць усё верыфікаваць», — адзначыў Уладзімір Кавалкін.
Па законе ўлічваюцца галасы грамадзян і рэзідэнтаў Беларусі. Статыстыка наведванняў паказвае, што 92% заходаў на петыцыю — з Беларусі. Астатнія — з Расіі, Польшчы, Ірландыі, Злучаных Штатаў.
Тэкст звароту і сабраныя подпісы падаюцца ў органы ў электронным выглядзе. Гэтая петыцыя будзе накіравана ў Міністэрства культуры, Генеральную пракуратуру і Міністэрства ўнутраных спраў.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары