Сёння на Алімпійскім сходзе Нацыянальнага алімпійскага камітэта прэзідэнтам НАК абраны Віктар Лукашэнка.
Ён з красавіка 2019 года выконваў абавязкі першага віцэ-прэзідэнта НАК, а ў лістападзе таго ж года быў абраны Алімпійскім сходам на гэтую пасаду.
Аляксандар Лукашэнка ўзначальваў НАК з мая 1997 года.
Пытання перавыбараў, магчыма, не стаяла б, калі б не ціск з боку Міжнароднага алімпійскага камітэта ў сувязі з палітычнымі рэпрэсіямі ў дачыненні да беларускіх спартоўцаў.
Яшчэ ў снежні выканкам МАК пастанавіў, што «цяперашняе кіраўніцтва НАК належным чынам не абараніла беларускіх спартоўцаў ад палітычнай дыскрымінацыі», што супярэчыць Алімпійскай хартыі, і ўвёў санкцыі ў дачыненні да НАК Беларусі.
Санкцыі ўключалі забарону Аляксандру Лукашэнку, тагачаснаму кіраўніку НАК, Віктару Лукашэнку, у той час першаму віцэ-прэзідэнту НАК, а таксама іншым членам Выканкама НАК наведваць Токіа-2020 і спыненне любой фінансавай падтрымкі гэтай арганізацыі.
Аляксандр Лукашэнка ў снежні рэзка адрэагаваў на рашэнне МАК: «Трэба нам звярнуцца ў суд. Хай [старшыня МАК Томас] Бах і банда раскажуць, у чым мая віна, што я сваю краіну абараняю?! Удзел у гэтых мерапрыемствах я 25 гадоў не прымаў, перажыву і далей. Але вы што, сабралі ўсе краіны і прынялі рашэнне?? І добра я, навошта дзяцей чапаеце? Няма справядлівасці ў свеце. Калі ты справядлівую палітыку выбудоўваеш — будзеш ворагам».
На апошнім пасяджэнні выканкама МАК, што прайшло 24 лютага, кіраўнік камітэта Томас Бах заявіў, што яны сочаць за сітуацыяй вакол выбараў у НАК Беларусі і ўжо пасля будуць абмяркоўваць свае магчымыя далейшыя дзеянні.
Каментары