Генеральная пракуратура накіравала ў Вярхоўны суд для вызначэння падсуднасці крымінальную справу Сяргея Ціханоўскага. Па ёй праходзяць таксама Ігар Лосік, Мікалай Статкевіч і іншыя фігуранты.
Згодна з матэрыяламі справы Ціханоўскі, Статкевіч, а таксама прыцягнутыя імі Сакаў, Папоў, Лосік, Цыгановіч і іншыя грамадзяне «з чэрвеня 2019 года планавалі арганізацыю масавых беспарадкаў на тэрыторыі краіны ў перыяд падрыхтоўкі і правядзення выбараў».
«Для дасягнення сваіх мэтаў яны выкарыстоўвалі сучасныя паліттэхналогіі, каб стварыць у насельніцтва недавер і негатыўнае стаўленне да прадстаўнікоў дзяржаўных органаў», — паведамляе пракуратура.
Ціханоўскага і яго атачэнне, у прыватнасці, абвінавачваюць у правядзенні незаконных масавых мерапрыемстваў у Мінску, Брэсце, Гродне, Магілёве, Салігорску, Міёрах і іншых гарадах «пад рознымі падставамі, у тым ліку для збору подпісаў за вылучэнне кандыдата ў прэзідэнты Рэспублікі Беларусь».
У паведамленні Генпракуратуры згадваецца і ператрус у садовым доміку ў Гомельскім раёне, які Ціханоўскі выкарыстаў для працы і жыхарства: «Выяўлены і канфіскаваныя 900 300 даляраў ЗША, пнеўматычны пісталет і пнеўматычны аўтамат. Характар упакоўкі значнай часткі грошай, серыйнасць нумароў банкнот у пачках паказвалі на іх аднамомантавае атрыманне ў банкаўскіх або іншых фінансавых арганізацыях».
На думку пракуратуры ў выніку дзеянняў Ціханоўскага і яго саўдзельнікаў дзяржаве нанесены ўрон на суму больш за 3 млн рублёў.
На маёмасць абвінавачваных накладзены арышт на суму звыш за 2 млн рублёў. Пракуратура ў рамках крымінальнай справы прад'явіла да абвінавачаных пазоў аб кампенсацыі шкоды.
Асаблівасць Вярхоўнага суда ў тым, што калі справу разглядае ён, то прысуд уступае ў сілу адразу. Апеляцыя не прадугледжваецца, таму ўжо на наступны дзень пасля прысуду асуджаных могуць адправіць у калоніі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары