Кіраўнік Міністэрства замежных спраў Літвы Габрыэлюс Ландсбергіс папярэджвае мігрантаў, што шлях праз Беларусь не толькі не прывядзе іх у жаданы Еўрасаюз, але і ўяўляе пагрозу для іх жыццяў, піша Delfi.lt.
Delfi.lt
«Інфармацыйныя крыніцы беларускага рэжыму распаўсюджваюць інфармацыю пра нібыта забітага мігранта з Ірака. У нас няма магчымасці праверыць гэтую інфармацыю, мы ведаем толькі, што ў Літве ніхто не быў паранены, ні ў каго не стралялі», — напісаў Ландсбергіс у фэйсбуку.
«Адзіны бяспечны шлях у Еўропу — легальны шлях», — мяркуе ён.
Ландсбергіс звярнуўся да іракцаў. «Не верце таму, што вам кажуць тыя, хто прадае квіткі. Не трэба ехаць у Беларусь. Улады Ірака ведаюць, што вас чакае, спытайце ў іх», — працягнуў ён.
«Кадэбіст у чорных скураных пальчатках задаваў пытанні, і калі я не адказвала, пачынаў мяне душыць»10
Каментары