Ад стужкафрэнда siarozhka даведаўся пра існаванне «Чорнага спісу гамафобаў Беларусі». У спісе 12 пазіцый.
Адна палітычная партыя (пашчасціла КХП‑БНФ), два сродкі масавай інфармацыі і 9 чалавек, ажно 4 з якіх гэта прадстаўнікі беларускай апазіцыі.
Уладу ў спісе прадстаўляюць толькі дэпутаты Палаты прадстаўнікоў.
У спісе гамафобаў няма ніводнага прадстаўніка выканаўчай улады!
Вынік просты — сярод сціплых дасягненняў 15 год знаходжання Аляксандра Рыгоравіча пры ўладзе, яшчэ і перамога над гамафобіяй ў шэрагах кіраўніцтва РБ. І галоўны вораг беларускіх геяў — гэта апазіцыя і, у прыватнасці, «Малады Фронт» і БХД. Улічваючы, што ўзгаданыя арганізацыі прэсуюцца беларускімі спецслужбамі дык і тут геі Беларусі могуць быць задаволены...
Складаецца ўражанне, што Беларусь — рай для геяў, дзе самыя асвечаныя і талерантныя ўлады. Спадзяюся, што я ўсё правільна зразумеў? Прынамсі з ўзгаданага «чорнага спісу» вырысоўваецца менавіта такі вобраз сітуацыі.
Людзі, якія складаюць «чорныя спісы» гэта асаблівая катэгорыя. Таму я не асабліва здзівіўся, калі падчас праглядання спісу гомафобаў, у мяне выскачыла — your IP is banned. Гэта азначае, што я так сама патрапіў у нейкі спіс :‑)
Каментары