Стала вядома, у чым Макей абвінавачвае прадстаўніцтва ААН у Беларусі
Падчас сустрэчы з генеральным сакратаром ААН Антоніа Гутэрышам, якая адбылася ў рамках Генеральнай асамблеі ААН у Нью-Ёрку, Уладзімір Макей паведаміў высокаму чыноўніку, што некаторыя прадстаўнікі каманды арганізацыі ў Беларусі выкарыстоўвалі грошы, якія выдзяляліся для людзей з інваліднасцю, на падтрымку людзей, якія ўдзельнічалі ў пратэсных акцыях.
У каментары беларускаму тэлебачанню ён паабяцаў неўзабаве раскрыць падрабязнасці расследавання. І вось сёння пастаянным прадстаўніцтвам Беларусі пры Аддзяленні ААН у Жэневе была апублікавана заява «Аб нямэтавым выкарыстанні фінансавых сродкаў персаналам Прадстаўніцтва ААН у Беларусі». Гэта рэакцыя беларускага боку на даклад генеральнага сакратара ААН «Супрацоўніцтва з ААН, яе прадстаўнікамі і механізмамі ў галіне правоў чалавека», падрыхтаваным да 48-й сесіі СПЧ.
Як заяўляе беларускае прадстаўніцтва, у даклад уключаная недакладная інфармацыя пра Сяргея Драздоўскага. На думку беларускага боку, Драздоўскі «стаў «ахвярай» недапушчальнай, непрафесійнай і палітычна матываванай дзейнасці супрацоўнікаў Прадстаўніцтва ААН у Рэспубліцы Беларусь», а дарадца па правах чалавека ў офісе пастаяннага каардынатара ААН у Беларусі ініцыяваў нямэтавае выкарыстанне фінансавых сродкаў УВКПЧ.
Беларускі бок заяўляе, што пасля пратэстаў у жніўні 2020 года па ініцыятыве чыноўніка ААН двума супрацоўнікамі офіса ААН у Беларусі была распрацавана і рэалізавана схема аплаты паслуг адвакатаў беларускім грамадзянам, якія не з'яўляюцца інвалідамі або ахвярамі гвалту. Такім чынам былі аплачаны паслугі адвакатаў для 23 грамадзян.
«Афармленне плацежных дакументаў ажыццяўлялася таемна, у абыход афіцыйна ўзгодненай дзейнасці, праз уцягнутага ў такую супрацьпраўную дзейнасць, з яго ўсвядомленага ведама, Сяргея Драздоўскага, дырэктара «Офіса па правах людзей з інваліднасцю» і пры непасрэдным удзеле юрыста гэтай установы. Такім чынам, беларускія грамадзяне Драздоўскі і юрыст узначаленай ім установы з падачы і пры ўдзеле шэрагу супрацоўнікаў Прадстаўніцтва ААН у Беларусі правялі фінансавую махінацыю са сродкамі ААН, вылучанымі для дзяржавы на аказанне дапамогі інвалідам і ахвярам хатняга гвалту, што з'яўляецца крымінальна каральнай дзеяй», — гаворыцца ў заяве пастаяннага прадстаўніцтва Беларусі.
Драздоўскі і юрыст Офіса па правах людзей з інваліднасцю Граблеўскі абвінавачваюцца па ч. 2 арт. 209 КК (Махлярства, здзейсненае паўторна альбо групай асоб). Яны знаходзіліся пад хатнім арыштам, затым мера стрымання была змененая, цяпер яны на волі.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1818
Каментары