Выйшаў на волю бізнэсмен Віталь Сініцкі, які сам на сябе напісаў заяву ў падатковую і заплаціў $10 мільёнаў кампенсацыі
Як вядома «Нашай Ніве», на мінулым тыдні выйшаў на волю бізнэсмен Віталь Сініцкі — буйны дэвэлапер, які трапіў у СІЗА праз тое, што сам напісаў на сябе заяву ў падатковую інспекцыю з просьбай праверыць свае прадпрыемствы. У інспекцыі палічылі, што ён сыходзіў ад падаткаў. Усяго Сініцкі правёў у СІЗА каля двух месяцаў.
Як тлумачылі «Нашай Ніве», Сініцкі ўжо заплаціў 10 мільёнаў даляраў «кампенсацыі».
Цяпер ён знаходзіцца ў Беларусі, выязджаць не плануе — шмат бізнэсу ў краіне.
Сініцкі кіруе кампаніяй «Сігмаполюс», якой належаць мінскія бізнэс-цэнтры «Тытан», «Цівалі», «Арлан», «Хваля» (яе арандуе Wargaming), «Анкор», гандлёвы цэнтр «Трум», прамбаза на Гурскага і гэтак далей. Таксама Сініцкі займаецца забудовай участка насупраць тэатра Музкамедыі ля плошчы Багушэвіча.
Між тым, 17 лістапада стала вядома, што «Сігмаполюс» распрадае частку сваіх аб'ектаў.
Набыць іх можна з дысконтам да рынкавай цаны. Усе комплексы рэалізуюцца непасрэдна ўласнікам. Ёсць 17-павярховы бізнэс-цэнтр Fortune на вуліцы Прытыцкага, 29. Таксама можна стаць уладальнікам бізнес-цэнтра «Арлан» на вуліцы Тыражнай, 150 недалёка ад плошчы Бангалор.
Прадаюцца і шматфункцыянальныя комплексы на стадыі будаўніцтва — на Нямізе і за сто метраў ад станцыі метро «Партызанская».
Чытайце таксама:
Буйны бізнэсмен Сініцкі заплаціў ужо 10 мільёнаў даляраў, але яго не выпускаюць. Чаму? Тлумачаць крыніцы
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары